मस्तूरी तहसील के किसान मन के 3 साल ले लंबित फसल बीमा क्षतिपूर्ति के भुगतान अब होइस

बिलासपुर, 13 नवम्बर 2020। प्रधानमंत्री फसल बीमा योजना खरीफ वर्ष 2017 अंतर्गत तहसील मस्तूरी जिला बिलासपुर के किसान मन ल 3 साल ले लंबित फसल बीमा क्षति-पूर्ति के भुगतान करे गेहे। ग्राम केंवटाडीह टांगर के 66 किसान ल वर्ष 2017 के फसल बीमा क्षतिपूर्ति के राशि 56 लाख 89 हजार रुपिया ले अधिक के भुगतान होइस। इफको टोकियो जनरल इंश्योरेंस कंपनी लिमिटेड ले धान फसल के बीमा जिला सहकारी केन्द्रीय बैंक के माध्यम ले कराय गे रिहिस। तत्कालीन समय म फसल कटाई बर इकाई ग्राम पंचायत होय के कारण केंवटाडीह ग्राम पंचायत अंतर्गत ग्राम केंवटाडीह टांगर म फसल प्रदर्शित नई होय के कारण एग्री पोर्टल म किसान मन के एण्ट्री नई हो पाइस एखर कारण केंवटाडीह टांगर के किसान मन के बीमा क्षतिपूर्ति के भुगतान नई हो पाय रिहिस। जबकि केंवटाडीह भूतहा के किसान मन ल बीमा क्षतिपूर्ति के भुगतान करे गे रिहिस। केंवटाडीह टांगर के किसान मन  द्वारा आवेदन प्रस्तुत करके बीमा क्षतिपूर्ति के मांग करे गे रिहिस। उक्त आवेदन म जिला स्तर म गठित समिति के निर्णय के आधार म राज्य स्तरीय पीएमएफबीवाई कमेटी के द्वारा निर्णय लेहे जाय के पश्चात कुल 66 किसान मन के 56,89,094 रुपिया के बीमा राशि कंपनी द्वारा जिला सहकारी केन्द्रीय बैंक ल भुगतान करे गे हे। जिला सहकारी केन्द्रीय बैंक द्वारा 10 अउ 11 नवंबर 2020 के किसान मन के खाता म ट्रांसफर कर देहे गेहे। उप संचालक कृषि बिलासपुर ह बतइस कि किसान ये संबंध म विस्तृत जानकारी बर अपन बैंक शाखा ले संपर्क कर सकत हे।