किसान मन ल धान बेचे म कोनो असुविधा झन होवय- कृषि मंत्री

जांजगीर-चाम्पा, छत्तीसगढ़ शासन के कृषि मंत्री श्री रविन्द्र चौबे, सहकारिता अउ स्कूल शिक्षा मंत्री डॉ. प्रेमसाय सिंह टेकाम, परिवहन अउ वन मंत्री श्री मोहम्मद अकबर ह आज जिला जांजगीर-चाम्पा के बम्हनीडीह तहसील के तालदेवरी धान खरीदी केन्द्र के निरीक्षण करिन। उमन धान खरीदी केंद्र म उपलब्‍ध सुविधा मन के बारे म अऊ टोकन व्यवस्था, तौल व्यवस्था, खरीदे गए धान के उठाव अउ किसान मन ल करे गए भुगतान के बारे म जानकारी लीन। श्री रवीन्द्र चौबे ह धान बेचे आए तालदेवरी गांव के महिला कृषक श्रीमती मेलाबाई ले चर्चा करिन। श्रीमती मेलाबाई ह बताइस कि वो अपन ढाई एकड़ कृषि जमीन के धान म ले 33 क्विंटल धान बेचे आए हे। एखर बर ओ ह 21 जनवरी के टोकन कटवा ले रहिस। आज बिना अगोरा करे ओखर धान के तौलाई होत रहिस। वो धान खरीदी व्यवस्था ले संतुष्ट हे।