प्रदेश म खेती-किसानी के काम तेज, राज्य म अब तक 36.42 लाख हेक्टेयर क्षेत्र म फसल मन के होइस बोंवाइ

लक्ष्य के 75 प्रतिशत होइस बोनी
ए खरीफ सीजन म 48.85 लाख हेक्टेयर क्षेत्र म बोनी के लक्ष्य
मुख्यमंत्री श्री विष्णु देव साय के हुकुम: किसान मन ल उंखर मांग के मुताबिक सहज मिलय खाद-बीज
रायपुर, प्रदेश म खेती-किसानी के काम तेज गति ले चलत हे राज्य म अब तक धान, मक्का, कोदो, कुट्की, अरहर, मूंग, मूंगफली, रामतिल समेत कइ ठन फसल मन के बोंवाइ 36.42 लाख हेक्टेयर क्षेत्र म हो गए हे, जेन लक्ष्य के 75 प्रतिशत हे। मुख्यमंत्री श्री विष्णु देव साय ह संबंधित अधिकारी मन ल किसान मन ल खेती-किसानी म छूट प्रदान करे बर सबो आवश्यक सहयोग करे के हुकुम देहे हें अउ किसान मन के मांग के मुताबिक सहजे प्रमाणित खाद-बीज बांटे के घलोक हुकुम देहे हें।
कृषि विकास अउ किसान कल्याण मंत्री श्री रामविचार नेताम के बताए रद्दा म कृषि विभाग के अधिकारी मन कोति ले एकर ऊपर सरलग निगरानी रखे जावत हे। प्रदेश के किसान मन ल अब तक 10.20 लाख मीट्रिक टन खाद अउ 7.22 लाख कुंटल प्रमाणित बीज बांटे गए हे। 21 जुलाई, 2025 के स्थिति म प्रदेश म अब तक 446.1 मिमी औसत वर्षा दर्ज करे गए हे, जबकि प्रदेश के वार्षिक वर्षा 1238.7 मिमी औसत हे।
कृषि विभाग के अधिकारी मन ह बताइन के ए साल खरीफ 2025 बर प्रदेश म 4.95 लाख कुंटल प्रमाणित बीज वितरण के लक्ष्य रखे गए हे, जेमा जम्मो स्रोत ले 7.88 लाख कुंटल बीज के भंडारण करके अब तक 7.22 लाख कुंटल बीज के वितरण किसान मन ल करे गए हे, जऊन मांग के 146 प्रतिशत हे जबकि खरीफ 2024 म राज्य म बीज निगम ले 4.64 लाख कुंटल प्रमाणित बीज के वितरण करे गए रहिस। अइसनहे प्रदेश म ए खरीफ सीजन म 14.62 लाख मीट्रिक टन उर्वरक वितरण के लक्ष्य निर्धारित करे गए हे, वो लक्ष्य के जगा म 13.78 लाख मीट्रिक टन उर्वरक के सहकारी अउ निजी क्षेत्र म भंडारण करे गए हे, वो भंडारण के जगा म 10.20 लाख मीट्रिक टन उर्वरक के वितरण किसान मन ल करे जा चुके हे, जऊन लक्ष्य के 70 प्रतिशत हे। कृषि विभाग के अधिकारी मन ह बताइन के खाद-बीज वितरण व्यवस्था म कोनो प्रकार के गड़बड़ी उपर सख्त कार्रवाई करे के घलोक हुकुम दिए गए हे अऊ सोसाइटी मन म पर्याप्त खाद-बीज के भंडारण करके सरलग निगरानी करे के घलोक हुकुम दिए गए हे।