कोरोना गाइडलाइन के तहत मनमोहक सांस्कृतिक कार्यक्रम के होइस आयोजन

चंदखुरी म निशुल्क स्वास्थ्य शिविर के संगें-संग कोरोना वैक्सीनेशन होइस

रायपुर, मुख्यमंत्री श्री भूपेश बघेल ह आज रायपुर शहर के तीर पावनधाम चंदखुरी म माता कौशल्या मंदिर परिसर के जीर्णोद्धार अऊ सौंदर्यीकरण काम के लोकार्पण करिन। एखर संगेच परिसर म तीन दिवसीय सांस्कृतिक कार्यक्रम के आयोजन कोरोना गाइडलाइन ल ध्यान म रखत करे गीस।
ये बेरा म परिसर म नि:शुल्क स्वास्थ्य शिविर के संगें-संग कोरोना वैक्सीनेशन के काम घलोक करे गीस ।एखर तहत माता कौशल्या मंदिर चंदखुरी अऊ पुलिस अकादमी ग्राउंड चंदखुरी म कोरोना वैक्सीनेशन बर 8 टीम बनाय गए हे। नागरिक मन बर कार्यक्रम स्थल के समीप नि:शुल्क स्वास्थ्य शिविर के आयोजन घलोक करे गीस।
जानबा हे कि राम वन गमन परिपथ के अंतर्गत चंदखुरी म आज 7 ले 9 अकटूबर तक सांस्कृतिक कार्यक्रम मन के आयोजन कोरोना गाइडलाइन के तहत करे जात हे।