छत्तीसगढ़ म मनरेगा के तेज चाल, साल भर के लक्ष्य के करीबन आधा काम पहली तिमाही म ही पूरा

रायपुर, 9 जुलाई 2021। छत्तीसगढ़ म ये साल घलोक मनरेगा (महात्मा गांधी राष्ट्रीय ग्रामीण रोजगार गारंटी अधिनियनम) के माध्यम ले जादा ले जादा मनखे मन ल रोजगार उपलब्‍ध कराए जात हे। चालू वित्तीय साल 2021-22 के शुरूआती तीन महीना म ही साल भर के लक्ष्य के करीबन आधा काम पूरा कर ले गए हे। भारत सरकार कोति ले ये साल छत्तीसगढ़ बर स्वीकृत 13 करोड़ 50 लाख मानव दिवस रोजगार के लक्ष्य के विरूद्ध अपरेल, मई अऊ जून म कुल छह करोड़ 65 लाख 13 हजार मानव दिवस रोजगार के सृजन करे गए हे। ये ह पूरा साल भर के लक्ष्य के 49.27 प्रतिशत हे। प्रदेश के 21 जिला मन म अपरेल ले जून तक बर निरधारित लक्ष्य ले जादा रोजगार उपलब्‍ध कराए गए हे। पूरा प्रदेश म पहली तिमाही बर निरधारित छै करोड़ 21 लाख 94 हजार मानव दिवस लक्ष्य के विरूद्ध छै करोड़ 65 लाख 13 हजार मानव दिवस रोजगार सृजित करे गए हे जेन लक्ष्य के करीब 107 प्रतिशत हे। राष्ट्रीय स्तर म लक्ष्य के विरूद्ध काम पूर्णता म छत्तीसगढ़ देश म छटवां स्थान म हे।
कोरोना संक्रमण के कारण उलट परिस्थिति म घलोक मनरेगा के माध्यम ले प्रदेश म गांव वाले मन ल सरलग रोजगार मिलत रहे हे। अभी हाल के वित्तीय साल के शुरूआती तीन महीना म प्रदेश म करीब 22 लाख परिवार मन के 39 लाख 34 हजार 242 श्रमिक मन ल रोजगार मुहैया कराए गए हे। एमां ले 20 लाख सात हजार यानि 50 प्रतिशत ले जादा महिला हें। ये दौरान सृजित छह करोड़ 65 लाख 13 हजार मानव दिवस रोजगार म ले तीन करोड़ 36 लाख 66 हजार मानव दिवस महिला श्रमिक मन कोति ले सृजित करे गए हे जेन कुल सृजित मानव दिवस के 50.62 प्रतिशत हे।
साल 2021-22 के पहली तिमाही म राजनांदगांव जिला म सबले जादा 71 लाख एक हजार मानव दिवस रोजगार उपलब्‍ध कराए गए हे। ये दौरान कबीरधाम जिला म 60 लाख 57 हजार, बलौदाबाजार-भाटापारा म 47 लाख 29 हजार, महासमुंद म 34 लाख 94 हजार, रायगढ़ म 32 लाख 48 हजार, बिलासपुर म 30 लाख 94 हजार, धमतरी म 30 लाख 78 हजार, जांजगीर-चांपा म 29 लाख 33 हजार, मुंगेली म 27 लाख 66 हजार, गरियाबंद म 24 लाख 53 हजार, कोरिया म 24 लाख 17 हजार, बालोद म 23 लाख 33 हजार, रायपुर म 20 लाख 76 हजार अऊ जशपुर म 20 लाख 38 हजार मानव दिवस रोजगार सृजित करे गए हे।
मनरेगा के अंतर्गत ये साल अपरेल, मई अऊ जून म कांकेर जिला म कुल 19 लाख 40 हजार, बलरामपुर-रामानुजंगज म 18 लाख 56 हजार, बेमेतरा म 17 लाख 48 हजार, सूरजपुर म 16 लाख 79 हजार, कोरबा म 15 लाख चार हजार, सुकमा म 14 लाख 55 हजार, सरगुजा म 14 लाख 17 हजार, गौरेला-पेंड्रा-मरवाही म 13 लाख 58 हजार, दुर्ग म 13 लाख 46 हजार, कोंडागांव म 12 लाख 54 हजार, बीजापुर म 11 लाख 63 हजार, बस्तर म नौ लाख 89 हजार, दंतेवाड़ा म सात लाख 27 हजार अऊ नारायणपुर म दू लाख 59 हजार मानव दिवस रोजगार देहे गए हे।