पेंड्रा, 3 जनवरी 2021। चीतल के खाल के तस्करी करइया पिता-पुत्र ल मरवाही वन विभाग के उड़नदस्ता टीम ह छापामार कार्रवाई करके गिरफ्तार करिस हे। आरोपी मन के सूना मकान म रखे चीतल के खाल ल घलो जब्त करिस हे।
मरवाही वन मंडल के छापामार टीम ह डीएफओ के निर्देशन म कार्रवाई करत हुए पेंड्रा थाना क्षेत्र के ग्राम बचारवार के नवाटोला म छोटे लाल के खेत म बने पंप हाउस म छुपाके रखे चीतल के खाल ल बरामद करिन हे। दरअसल, छोटेलाल के अपन खेत म बने पंप हाउस म चीतल के खाल छुपाके रखे के जानकारी कोनो ह वन मंडल अधिकारी ल देहे रहिस। सूचना के तस्दीक होय के बाद डीएफओ के निर्देश म छापामार टीम ह देर रात गांव म दबिश दीस।
मकान म ताला लगे होय म छोटेलाल अऊ ओखर पुत्र ल बुलाके खुलवाये गीस। टीम ह जब कमरा के तलाशी लीन त अंदर ले चीतल के खाल बरामद होइस। अनुसूचित जानवर के खाल मिले के बाद वन विभाग ह आरोपी पिता-पुत्र ल मउका ले ही गिरफ्तार कर लीस अऊ उंखर खिलाफ वन्य प्राणी अधिनियम के तहत कार्यवाही करत हुए मामला दर्ज कर लीस।