मुख्यमंत्री ह राष्ट्रपिता महात्मा गांधी अऊ पूर्व प्रधानमंत्री स्वर्गीय श्री लाल बहादुर शास्त्री के जयंती म ओ मन ल करिन नमन

रायपुर, 02 अकटूबर 2024। मुख्यमंत्री श्री विष्णु देव साय ह आज इहां अपन निवास कार्यालय म राष्ट्रपिता महात्मा गांधी अऊ पूर्व प्रधानमंत्री स्वर्गीय श्री लाल बहादुर शास्त्री के जयंती म ऊंखर छायाचित्र म पुष्प अर्पित करके ओ मन ल नमन करिन। उमन महात्मा गांधी के अमूल्य योगदान ल सुरता करत कहिन के गांधी जी ह भारत म स्वाधीनता आंदोलन ल नवा दिशा दीन। उमन सत्य, प्रेम अऊ अहिंसा के मार्ग अपनाके पूरा विश्व के आगू मिसाल कायम करिन।
मुख्यमंत्री श्री साय ह पूर्व प्रधानमंत्री स्वर्गीय श्री लाल बहादुर शास्त्री के सुरता करत कहिन के भारतीय स्वाधीनता संग्राम म शास्त्री जी के महत्वपूर्ण योगदान रहिस। उमन ‘जय जवान-जय किसान’ के नारा देके जनता के मनोबल बढ़ाइन। शास्त्री जी ह सादगी ले जीवन जिन अऊ अपन पूरा जीवन गरीब मन के सेवा म अर्पित कर दीन। मुख्यमंत्री श्री साय ह कहिन के शास्त्री जी के विचार अऊ जीवन मूल्य सदा मनखे मन ल प्रेरित करत रइही।