भिलाई, 13 दिसम्बर 2020। अपन बेटी के बिहाव समारोह म एक पिता ह बरतिया अऊ घरतिया मन के उपस्थिति म अपन देहदान करे के घोषणा करिस । मानवता के भलाई बर अइसे अनूठा मिसाल कायम करने वाला ऋषी चंद्राकर सिंचाई विभाग के सेवानिवृत्त अनुविभागीय अधिकारी हे । जेमन सैकड़ों लोगन के उपस्थिति म भिलाई के सामाजिक संस्था प्रनाम के अध्यक्ष पवन केसवानी द्वारा पारिवारिक काउंसलिंग के पश्चात देहदान के वसीयत जारी करिस । बागबाहरा,महासमुंद के जैन भवन म जइसे ही ए घोषणा करे गिस, उहां मौजूद सैकड़ों लोगन ह ए नेक पहल के मुक्त कंठ ले सराहना करिस ।
दुल्हन बने बेटी पल्लवी के अलावा बड़े बेटी वल्लरी अऊ उंखर पत्नी युवल चंद्राकर ह देहदान के ए अनूठा पहल म अपन भावनात्मक सहभागिता प्रदान करिस । सामाजिक संस्था प्रनाम विगत 12 बछर म अभी तक 991 लोगन ल देहदान हेतु प्रेरित करके वसीयत जारी करवा चुके हे । एमा करीब 100 लोगन के पार्थिव काया छत्तीसगढ़ के विभिन्न मेडिकल कॉलेज मन ल अध्ययन अऊ अध्यापन हेतु समर्पित करे जा चुके हे। प्रनाम संस्था के हेल्पलाइन नंबर हे- 9479273500 ।
