रीपा ह महिला मन ब खोलिस आत्मनिर्भरता के राह
हल्दी, धनियां, मसाला बना के पाकिट म भर बेचत हे
पोड़ीउपरोड़ा विकासखण्ड के अंतर्गत ए गांव हे कापूबहरा। कुछ साल पहिली ए गांव के महिला मन करा कोनो बुता नई रहिस हे। हाथ म बुता नई रहे के सेती पईसा के तंगी रहत रहिस हे,ओमन करा आघू बढ़े आत्मनिरभर बने के कोनो रस्ता नई रहिस हे। अब ग्रामीण औद्योगिक पार्क योजना ले जुड़े के संग छोट-छोट प्रसंस्करण ईकाइ के जरियाए ओमन आजीविका गतिविधि ल अंजाम दवत हे। बिहनिया ले संझा तक रीपा म आके हरदी,मिरचा, धनिया पाउडर अउ मसाला तियार कर के पाकीट म भर भर दुकान मन म भेजत हे।
मुख्यमंत्री श्री भूपेश बघेल ह जब ग्राम सुराजी योजना ले ग्रामीण मन ल आत्मनिर्भर बनाए ब नरवा, गरवा, घुरवा, बारी असन योजना शुरू करिस अउ गांव-गांव गौठान बना के आसपास म ही ग्रामीण औद्योगिक पार्क (रीपा) के बुनियाद राखे के सुरू करिस त ग्राम कापूबहरा के चयन रीपा ब करे गईस। रीपा म चयन होए के साथ ही ईहां अगरबत्ती बनाए, कपूर निर्माण, दोना पत्तल, पेपर बैग निर्माण अउ मसाला, हल्दी, धनिया पाउडर समेत अन्य आजीविका गतिविधि संचालित करे के प्रोसेसिंग यूनिट स्थापित करे गईस। गांव के महिला मन ल, युवा बेरोजगार मन ल समूह के माध्यम ले ए गतिविधि म जोडे़ गइस अउ प्रशिक्षण उपलब्ध करा के निर्माण विधि, पैकेजिंग आदि सिखाईस। परिणामस्वरूप गांव के ये महिला हुनर सीखे के संग आत्मनिर्भर के राह म आघू बढ़त हे। कोरबा जिला म 10 महात्मा गांधी रूरल इंडस्ट्रियल पार्क (रीपा) विकासखण्ड करतला के जमनीपाली अउ कोटमेर, कटघोरा के अरदा अउ रंजना, पोड़ी-उपरोड़ा के सेमरा अउ कापूबहरा, पाली के केराझरिया अउ नोनबिर्रा अउ विकासखण्ड कोरबा के पहंदा अउ चिर्रा के लोकार्पण करे गईस। ईहाँ 60 गतिविधि के संचालन करे जाही। जेमा 356 हितग्राही लाभान्वित होही।
