मुंगेली, 26 फरवरी 2020। कलेक्टर डाॅ. सर्वेश्वर नरेंद्र भुरे के अध्यक्षता म मंगलवार के कलेट्रोरेट स्थित मनियारी सभा म समय सीमा के बैठक आयोजित करे गइस. बैठक में ओमन जिला म संचालित जम्मो योजना ल विस्तार पूर्वक समीक्षा करिन. अउ कहींन कि मुंगेली जिला म सेहत अउ पर्यावरण बर 29 फरवरी के मुंगेली मैराथन (रन फार मुंगेली) के आयोजन रखे जाही। मैराथन बिहनिया 7 बजे लोकल रेस्ट हाउस से प्रारंभ होही. मैराथन म शामिल होय बर निःशुल्क पंजीयन के कार्य प्रारंभ हो गे हे . पंजीयन कार्य 29 फरवरी के बिहनिया 6.30 बजे तक करे जाहि. आवेदन पत्र मुंगेली जिले के वेबसाइड http://mungeli.gov. in से भी डाउनलोड करे जा सकत हे. कलेक्टर ह मैराथन में सभी अधिकारि के भागीदारी सुनिचित करे के निर्देश दिए हावय।
कलेक्टर ह कहिस कि 10 किलोमीटर मैराथन म प्रथम स्थान प्राप्त करैया ल दस हजार, द्वितीय स्थान अवइया ल सात हजार अउ तृतीय स्थान प्राप्त करैया ल तीन हजार रूपये के नगद राशि अउ पदक प्रदान करके सम्मानित करे जाहि. अइसने घलो पांच किलो मीटर मैराथन म प्रथम स्थान पावैया ल पांच हजार, द्वितीय स्थान प्राप्त वाले ल तीन हजार अउ तृतीय स्थान प्राप्त करैया प्रतिभागी ल दो हजार रूपये के नगद राशि अउ पदक प्रदान करे जाहि. मैराथन म सभी वर्ग के महिला अउ पुरूष प्रतिभागी भाग ले सकत हें. एखर अलावा पांच किलो मीटर के दूरी वाक, मैराथन के भी आयोजन करे जात हावय.
