टीवी म न्यूज पढ़त बेरा महिला एंकर के दांत टूटिस, तभो ले बुलेटिन करिन पूरा

नई दिल्ली। एक न्यूज एंकर के लाइव शो के बेरा दांत बाहर गिरगे अउ अइसे म वो बिना घबराए अपन दांत ल हाथ म पकड़ के खबर पढ़ना जारी रखिन। एखर वीडियो सोशल मीडिया म तेजी ले वायरल होवत हे। न्यूज एंकर युक्रेन के हे अउ उंखर नाम मारीचका पडल्को हे। अपन संग लाइव शो म होय ये घटना के वीडियो खुद उमन अपन इंस्टाग्राम पेज म शेयर करे हे अउ संग ही उमन एखर बारे म विस्तार ले बताये हे। मारीचका पडल्को के पोस्ट के अनुसार 20 साल के करियर म उंखर संग अइसन घटना पहली बार होय हे। मारीचका लिखथे कि जइसे ही मोर दांत बाहर निकलिस त मोर सहयोगी ह कहिन, तुहर दांत गिरगे। हाथ लगा के दांत ल गिरे ले बचाये हव। जोन बेरा ये सब होइस वो बेरा मोर लाइव न्यूज रिपोर्ट चलत रिहिस। अइसे म मोला शांत रहिके अउ बिना ओवर रिएक्ट करत हुए न्यूज पढ़ना रिहिस अउ मैं उही करेव। मैं ह कोनो तरह ले वो हालात म खुद ल संभाल के न्यूज पढ़ना जारी रखेव। दांत टूटे के जिक्र करत हुए मारीचका ह बताइस कि मोर दांत 10 साल पहली टूटे रिहिस। मारीचका ह बताइस कि एक दिन ओखर बेटी अलार्म घड़ी ले खेलत- खेलत उंखर मुंह उपर मार दे रिहिस, जेखर ले उंखर एक दांत टूट गे रिहिस। मारीचका के ये वीडियो अब सोशल मीडिया म काफी वायरल होवत हे।