तीन उर्वरक बेचइया संस्थान मन ल नोटिस
सक्ती, जिला म नकली अऊ मिलावटी खाद के रोकथाम अऊ जादा कीमत म बेंचइया मन के विरुद्ध सरलग कार्रवाई करे जात हे। कलेक्टर श्री अमृत विकास तोपनो के निर्देशन म गठित जिला स्तरीय अऊ विकासखंड स्तरीय टीम कोति ले खाद बेचइया संस्थान मन के सरलग जांच-पड़ताल करे जात हे।
कृषि विभाग के उप संचालक कृषि के मार्गदर्शन म अनुविभागीय कृषि अधिकारी सक्ती, उर्वरक निरीक्षक अऊ वरिष्ठ कृषि विकास अधिकारी विकासखंड मालखरौदा से फगुरम म संचालित खाद विक्रेता मन के प्रतिष्ठान मन के उदुपहा जांच करे गीस। निरीक्षण के समय पीओएस स्टॉक अऊ भौतिक स्टॉक म अंतर, स्कंध पंजी के संधारण नइ करे जाय अऊ प्रदर्शन बोर्ड के चस्पा नइ होए के पुस्टि पाए गीस। ए म उर्वरक गुण नियंत्रण आदेश, 1985 के तहत 03 फर्म संचालक मन ल कारन बताओ नोटिस जारी करे गए हे अऊ 07 दिन के भीतर जवाब प्रस्तुत करे बर निर्देशित करे गए हे।
उप संचालक कृषि ह बताइस के किसान मन ल खरीफ सीजन बर उच्च गुणवत्ता सहित खाद अऊ कीटनाशक उचित मूल्य म उपलब्ध कराना प्राथमिकता हे। एखर बर विकासखंड मन म कार्यरत उर्वरक अऊ कीटनाशी निरीक्षक मन ल निजी प्रतिष्ठान मन के नियमित निरीक्षण करके रिपोट प्रस्तुत करे के निर्देश देहे गए हे।
खाद कालाबाजारी अऊ जादा कीमत म बेंचइया उपर कार्रवाई
