- भारती बंधु, अल्का चंद्राकर संग प्रभंजन चतुर्वेदी अऊ चंदैनी गोंदा ले सजही शाम
- प्रभारी मंत्री श्री टेकाम करहीं शुभारंभ, समापन समारोह म विधानसभा अध्यक्ष डॉ. महंत संघरहीं
कोरबा 20 फरवरी 2020। महाशिवरात्रि के अवसर म कोरबा के ऐतिहासिक पाली शिव मंदिर तीर भव्य महोत्सव के आयोजन होही। 21 अऊ 22 फरवरी के दू दिन के महोत्सव के शुभारंभ शासकीय उच्चतर माध्यमिक विद्यालय परिसर पाली म जिला के प्रभारी मंत्री डॉ. प्रेमसाय सिंह टेकाम करहीं। शुभारंभ समारोह म राजस्व मंत्री श्री जयसिंह अग्रवाल, संस्कृति मंत्री श्री अमरजीत भगत, मध्य क्षेत्र आदिवासी विकास प्राधिकरण के उपाध्यक्ष श्री पुरूषोत्तम कंवर, सांसद श्रीमती ज्योत्सना महंत, पाली-तानाखार के विधायक श्री मोहित राम केरकेट्टा, रामपुर विधायक श्री ननकीराम कंवर, जिला पंचायत के अध्यक्ष श्रीमती शिवकला कंवर, नगर पंचायत पाली के अध्यक्ष श्री उमेश चंद्रा अऊ जनपद पंचायत पाली के अध्यक्ष श्रीमती दुलेश्वरी सिदार घलोक सामिल होहीं।
समारोह के समापन 22 फरवरी के होही। समापन समारोह म मुख्य अतिथि के रूप म विधानसभा अध्यक्ष डॉक्टर चरणदास महंत सामिल होही। कार्यक्रम के अध्यक्षता गृह मंत्री श्री ताम्रध्वज साहू करहीं। विशिष्ट अतिथि के रूप म प्रभारी मंत्री श्री प्रेमसाय सिंह टेकाम, राजस्व मंत्री श्री जयसिंह अग्रवाल, मध्य क्षेत्र आदिवासी विकास प्राधिकरण के उपाध्यक्ष श्री पुरूषोत्तम कंवर, सांसद श्रीमती ज्योत्सना महंत, पाली-तानाखार के विधायक श्री मोहित राम केरकेट्टा, रामपुर विधायक श्री ननकीराम कंवर, जिला पंचायत के अध्यक्ष श्रीमती शिवकला कंवर, नगर पंचायत पाली के अध्यक्ष श्री उमेश चंद्रा अऊ जनपद पंचायत पाली के अध्यक्ष श्रीमती दुलेश्वरी सिदार घलोक मौजूद रइहीं।
पाली महोत्सव के समय 21 फरवरी के संझा 4 बजे ले 7 बजे तक स्थानीय कलाकार अऊ स्कूली लइका मन कोति ले आकर्षक सांस्कृतिक कार्यक्रम मन के प्रस्तुति दिए जाही। रात 7 बजे ले पद्मश्री डॉ. भारती बंधु कोति ले सूफी भजन-गायन होही। 8 बजे ले श्रीमती अलका चंद्राकर कोति ले छत्तीसगढ़ी गीत के प्रस्तुति होही। महोत्सव के दूसर दिन 22 फरवरी के स्कूली लइका मन अउर स्थानीय कलाकार मन के सांस्कृतिक कार्यक्रम के पाछू संझा 7 बजे ले भजन गायक प्रभंजन चतुर्वेदी के कार्यक्रम होही। रात 8 बजे ले खुमान संगीत के नाम ले प्रसिद्ध चंदैनी गोंदा के लोक कलाकार मन कोति ले आकर्षक सांस्कृतिक कार्यक्रम के प्रस्तुति होही।
