मुख्यमंत्री श्री साय दिल्ली प्रवास ले लहुटतेच सीधा रामकृष्ण केयर हॉस्पिटल पहुंचके घायल जवान मन के हाल-चाल जानिन
रायपुर 19 जुलाई 2024, मुख्यमंत्री श्री विष्णु देव साय काली अपन दिल्ली दौरा ले लहुटे के तुरंत बाद बीजापुर जिला के तर्रेम क्षेत्र म माओवादी मन IED ब्लास्ट म घायल एसटीएफ के 4 जवान मन ल देखे रामकृष्ण केयर हॉस्पिटल पहुंचिन। ए बेरा म उपमुख्यमंत्री श्री अरूण साव अऊ श्री विजय शर्मा घलोक संग रहिन।
मुख्यमंत्री श्री साय ह घायल जवान मन के हाल- चाल जानिन अऊ उंखर हौसला बढ़ाइन। उमन डॉक्टर मन ल बेहतर इलाज के निर्देश घलोक दीन। मुख्यमंत्री ह जवान मन के जल्दी स्वस्थ होए के कामना घलोक करिन। ए बेरा म मुख्यमंत्री श्री साय ने IED ब्लास्ट म शहीद होए दू जवान मन ल नमन करत कहिन के हम माओवाद के खिलाफ लड़ाई म पूरा मजबूती के संग डटे हन। उमन घायल जवान मन के अदम्य साहस के प्रशंसा करिन अऊ उंखर मनोबल बढ़ाइन।
जानबा हे के काली बीजापुर जिला के तर्रेम क्षेत्र म माओवादि मन IED ब्लास्ट करे रहिन तेमा एसटीएफ के 2 जवान शहीद अऊ 4 जवान घायल हो गे रहिन। घायल जवान मन ल ऊंखर बेहतर इलाज बर एयरलिफ्ट करके रायपुर लाए गए हे।
