रायपुर, मुख्यमंत्री श्री भूपेश बघेल ह आज अपन निवास कार्यालय म स्वतंत्रता के 75वां वर्षगांठ के अवसर म ‘हमर तिरंगा अभियान‘ उपर आधारित फिल्म के लोकार्पण करिन। जनसम्पर्क विभाग कोति ले ये अभियान म हिन्दी अऊ छत्तीसगढ़ी भाखा म दू अलग-अलग फिल्म तियार कराए गए हे।
मुख्यमंत्री ह ये बेरा म कहिन कि 11 अगस्त ले 17 अगस्त के बीच मनाए जात स्वतंत्रता हफ्ता के अंतर्गत छत्तीसगढ़ म हमर तिरंगा अभियान के शुरूआत करे गए हे। ये अभियान के समय राज्य के गांव-गांव, शहर-शहर, घर, शासकीय कार्यालय, संस्थान मन म राष्ट्रीय ध्वज फहराए जात हे।
मुख्यमंत्री ह कहिन हमर तिरंगा अभियान के माध्यम ले हम छत्तीसगढ़ के मनखे उन स्वतंत्रता संग्राम सेनानियों के प्रति कृतज्ञता व्यक्त करत हन, जिंकर बलिदान अऊ संघर्ष मन ले हमर देश आजाद होइस अऊ हमला स्वतंत्रता मिलीस।
मुख्यमंत्री ह कहिन कि हम छत्तीसगढ़ के मनखे ये अभियान के माध्यम ले राष्ट्रीय एकजुटता म घलोक अपन गर्व ल व्यक्त करत हें। मुख्यमंत्री श्री बघेल ह प्रदेशवासी मन ले आव्हान करिन कि ये अभियान के समय शासकीय, अशासकीय संस्थान, दुकान, इमारत अऊ घर मन म राष्ट्रीय ध्वज अवश्य फहरावयं। ये बेरा म मुख्यमंत्री के अपर मुख्य सचिव श्री सुब्रत साहू, जनसम्पर्क विभाग के संचालक श्री सौमिल रंजन चौबे उपस्थित रहिन।
