राज्यपाल श्री रमेन डेका ह केंद्रीय वित्त मंत्री श्रीमती निर्मला सीतारमण ले मुलाकात करिन

रायपुर, राज्यपाल श्री रमेन डेका ह आज केंद्रीय वित्त मंत्री श्रीमती निर्मला सीतारमण ले नई दिल्ली म सौजन्य मुलाकात करिन। श्री डेका ह केंद्रीय वित्त मंत्री ले कई ठन क्षेत्र मन म घरेलू संस्थागत निवेश अऊ विदेशी संस्थागत निवेश के संग छत्तीसगढ़ के अर्थव्यवस्था ल बढ़ावा देहे के संबंध म विस्तार ले चर्चा करिन। एखर अलावा राज्यपाल ह छत्तीसगढ़ ल एक समृद्ध अर्थव्यवस्था बनाए के महत्वाकांक्षी दृष्टिकोण के संग छत्तीसगढ़ निवेशक सम्मेलन 2025 के आयोजन के प्रस्ताव रखिन। एकर उद्देश्य राज्य म उपलब्‍ध संसाधन मन के समुचित उपयोग के संग बड़े अऊ छोटे उद्योग, प्रौद्योगिकी, स्वास्थ्य, शिक्षा के कई ठन क्षेत्र मन म उत्कृष्ट निवेश ल बढ़ावा देना हे। उमन कहिन के ए प्रकार के निवेश ले छत्तीसगढ़ के युवा मन बर रोजगार के अवसर पैदा होही।
श्री डेका ह श्रीमती सीतारमण ल बताइन के छत्तीसगढ़ म भरपूर प्राकृतिक, खनिज अउ वन संपदा हे, जेखर कारण छत्तीसगढ़ म विकास के अपार संभावना हे। ए दृष्टिकोण ले छत्तीसगढ़ म निवेशक सम्मेलन के आयोजन महत्वपूर्ण हे। उमन वित्त मंत्री ले छत्तीसगढ़ के विकास ल लेके आन कई मुद्दा मन उपर घलोक चर्चा करिन।