कवर्धा, कबीरधाम जिला के बोड़ला तहसील अंतर्गत दू अलग-अलग प्राकृतिक आपदा ले दू मनखे मन के असामायिक मृत्यु होए म ऊंखर नजीकी परिजन ल छत्तीसगढ़ शासन के राजस्व पुस्तक परिपत्र 6(4) के तहत चार लाख रूपिया के आर्थिक अनुदान सहायता राशि जारी करे गए हे।
कलेक्ट्रेट कार्यालय ले मिले जानकारी के मुताबिक तहसील बोड़ला के ग्राम साल्हेवारा के अक्कल सिंह के 27 जुलाई 2019 के ग्राम बहनाखोदरा म अपन बहन सांबतिया बाई के घर भिनसरहा शौचालय जाय के समय बाड़ी के कुंवा म गिर जाय ले पानी म बूड़े के सेती मृत्यु हो गीस। ऊंखर निकटम परिजन ओखर पत्नी श्रीमती पवांरिन बाई ल 4 लाख रूपिया के अर्थिक अनुदान सहायता राशि जारी करे गए हे। तहसील बोड़ला के ग्राम लरबक्की निवासी श्री रौना धुर्वे 50 साल के 28 सितंबर 2019 ल कुण्डा नदी के पानी म बूड़े ले मृत्यु होए म मृतक के पत्नी श्रीमती फुलबती ल 4 लाख रूपिया के अर्थिक अनुदान सहायता राशि जारी करे गए हे।
