बारदाना गोदाम म लगिस आगी, दमकल के टीम मौका म पहुंचीस

राजनांदगांव, 30 मई 2020। ग्राम रामपुर थाना लालबाग के बारदाना गोदाम म आगी लगे ले आसपास के लोग मन म हड़कंप मचगे हे. आगी ल बुझाये के कोशिश करे जावत हे. बारदाना गोदाम के आसपास रहने वाला मन ह एखर सूचना फायर ब्रिगेड ल दिस हे. बारदाना गोदाम म आगी लगे ले बाहर रखे सामान के भी नुक़सान होय हे. ये घलो बताना जरूरी हे कि कल ही उही व्यक्ति के मठ पारा स्थित बारदाना गोदाम म आगी लगे रहिस. पूछताछ करे म आगजनी के कारण अज्ञात बताये जावत हे. पुलिस अउ दमकल के टीम मौका म पहुंच चुके हे. लालबाग थाना म पदस्थ प्रशिक्षु उप पुलिस अधीक्षक मयंक रणसिंह ह बताइस कि पूरा मामला के जांच करे जावत हे.