गोदाम म लगिस आग, लाखो के कबाड़ होइस खाक

बलौदाबाजार, 14 जनवरी 2021। भाटापारा ग्रामीण थाना क्षेत्र के ग्राम अर्जुनी के कबाड़ी गोदाम म बीते रात भीषण आग लगे ले लाखों के कबाड़ जल के राख होगे। घटना रात दू बजे के बताये जावत हे। आग लगे के सूचना म अंबुजा सीमेंट के दमकल कर्मी मन ह तत्काल पहुंच के आग म काबू पाये के काम करिस। प्लास्टिक सामान अऊ पेपर पुस्तक के जादा होय के सेती ले आग तेजी ले फैलिस अऊ जब तक आग म काबू पाये जातिस, तब तक सबकुछ जल के राख होगे। आगजनी के घटना ले पूरा क्षेत्र म धुआं-धुआं होगे रहिस। कबाड़ी के नाम भगतु मरकाम बताये जावत हे। ये संबंध म ग्रामीण थानाप्रभारी राम अवतार धुव ह बतइन कि अर्जुनी के कबाड़ी दुकान म आग लगे के सूचना मिले हे, लेकिन वो कोई विधिवत रिपोर्ट दर्ज नई कराये हे। मामला दर्ज कराये म जाँच करे जाही।