दिल्ली, 25 मई 2021। जीआई प्रमाणित उत्पाद मन के निर्यात ल बढ़ावा देहे बर बिहार ले शाही लीची के पहली खेप आज हवाई जिहाद ले ब्रिटेन ल निर्यात करे गीस। ये लिची बिहार के मुजफ्फरपुर के किसान मन ह उपजाए रहिन अऊ सिरा इंटप्राइजेज एकर निर्यात करत हे। ये लीची के आयात लंदन के एचएंडजे वेज करत हे।
शाही लीची के निर्यात के सुविधा बर एपीडा ह बिहार के कृषि विभाग संग किसान, निर्यातक अऊ आयातक अऊ आन जम्मो हितधारक मन संग सहभागिता कर के योजना बनाए रहिस। शाही लीची के निर्यात बर आयोजित ये कार्यक्रम म एपीडा के अध्यक्ष डॉ. एम. अंगमुथु अऊ बिहार के कृषि विभाग के मुख्य सचिव एन. सरवण कुमार संग आन वरिष्ठ अधिकारी मन ह भाग लीन।
जानबा हे के बिहार के मुजफ्फरपुर, वैशाली, समस्तीपुर, चंपारण, बेगूसराय जिला अऊ आसपास के क्षेत्र मन म शाही लीची के बागवानी बर अनुकूल जलवायु हे। चीन के बाद भारत विश्व म लीची के दूसर सबले बड़े उत्पादक ये। लीची के पारदर्शी, स्वादिष्ट बीजचोल या गुदा भारत म एक टेबल फ्रूट के रूप म लोकप्रिय हे। उहें चीन अऊ जापान म एला सूखा या डिब्बाबंद रूप म पसंद करे जाथे। बिहार लीची के उत्पादन मामला म अव्वल हे।
बिहार के शाही लीची के ब्रिटेन बर होवत हे निर्यात
