प्रदेश म कोरोना ले पहली मउत, मृतक प्रवासी मजदूर रहिस

दुर्ग, 27 मई 2020। मुंबई ले पश्चिम बंगाल जावत दुर्ग जिला म प्रवासी मजदूर के मउत के मामला म सैंपल जांच के रिपोर्ट पॉजीटिव आये हे. मजदूर कोरोना पॉजीटिव रहिस एखर पुष्टि स्वास्थ्य मंत्री टीएस सिंहदेव ह ट्वीट करके दिस हे. बताये जावत हे कि मजदूर बस म सवार होके मुंबई ले पश्चिम बंगाल जावत रहिस. इही बेरा दुर्ग जिला के भिलाई 3-चरौदा म मजदूर के तबियत बिगड़े म ओला बस ले उतार के जिला अस्पताल ले जाये गये रहिस. जहां डॉक्टर मन ह ओला मृत घोषित कर दे रहिस. मृतक के सैंपल ले करके जांच बर भेजे गये रहिस जेखर रिपोर्ट मंगलवार के पॉजीटिव आये हे. मृतक के नाम शेख अबू बकर उम्र 36 वर्ष. जोन गोपालपुर, 24 परगना, पश्चिम बंगाल के निवासी रहिस. मृतक के संग उंखर परिजन घलो जावत रहिस, जोन म बड़े पिताजी के लड़का शमीरुल शेख, अकरम शेख उम्र 31 वर्ष, अनीरुर शेख उम्र 20 वर्ष, शहादुल शेख उम्र 34 वर्ष. ये सबो ल क्वारंटीन सेंटर म रखे गये हे. सबो के आरटी-पीसीआर सैंपल लेके जांच बर भेज दिये गये हे.