छत्तीसगढ़ हाईकोर्ट म देश के पहिली ई-लोक अदालत के उद्घाटन
रायपुर, 11 जुलाई 2020। छत्तीसगढ़ हाईकोर्ट के मुख्य न्यायाधीश श्री पी.आर.रामचन्द्र मेनन ह आज देश के पहिली ई-लोक अदालत के उद्घाटन करत कहिन के नोवल कोरोना वायरस के ये कठिन दौर म न्यायालय मन म लंबित प्रकरण मन के निराकरण करे अऊ पक्षकार मन ल राहत पहुंचाए बर ई-लोक अदालत एक नोबेल विचार अऊ नोबेल पहल हे।
छत्तीसगढ़ राज्य विधिक सेवा प्राधिकरण बिलासपुर कोति ले आज आयोजित ई-लोक अदालत के उद्घाटन छत्तीसगढ़ हाईकोर्ट म जज मन के कान्फेंस रूम म मुख्य न्यायाधीश जस्टिस मेनन ह करिस। राज्य के 23 जिला मन के सबो न्यायालय, पक्षकार, अधिवक्ता वीडियो कांफ्रेंसिंग के माध्यम ले उद्घाटन समारोह ले जुडि़न। सोशल मीडिया प्लेटफार्म म घलोक देश भर म एला देखे गीस।
