किसान मन ल खरीफ के तियारी बर 1500 करोड़ रूपिया के सौगात

मुख्यमंत्री श्री भूपेश बघेल ह राजीव गांधी किसान न्याय योजना के पहली किस्त किसान मन के खाता म अंतरित करिन
गोधन न्याय योजना के तहत गौपालक मन ल 7.17 करोड़ रूपिया जारी
पूर्व प्रधानमंत्री स्वर्गीय राजीव गांधी ल देहे गीस श्रद्धांजलि
रायपुर, 21 मई 2021। मुख्यमंत्री श्री भूपेश बघेल ह पूर्व प्रधानमंत्री श्री राजीव गांधी के शहादत दिवस के अवसर म राज्य के 22 लाख किसान मन ल आगामी खरीफ फसल के तियारी बर इनपुट सब्सिडी के रूप म 1500 करोड़ रूपिया के राशि ऊंखर खाता म ऑनलाईन अंतरित करिस। किसान मन ल ओ राशि राजीव गांधी किसान न्याय योजना 2021 के पहली किस्त के रूप म जारी करे गए हे। ये योजना के तहत राज्य के किसान मन ल कुल 5597 करोड़ रूपिया आदान सहायता के रूप म चार किस्त म देहे जाही। मुख्यमंत्री श्री भूपेश बघेल, विधानसभा अध्यक्ष डॉ.चरणदास महंत संग मंत्रीमंडल के सबो सदस्य मन ह ये मौका म पूर्व प्रधानमंत्री स्वर्गीय श्री राजीव गांधी के फोटू म पुष्पांजलि अर्पित करत ओ मन ल श्रद्धांजलि अर्पित करिन।