मुख्यमंत्री ले संयुक्त राष्ट्र म भारत के स्थाई मिशन के पहिली सचिव सुश्री बरखा ताम्रकार ह करिस सौजन्य मुलाकात

ब्रांड छत्तीसगढ़ के अंतर्राष्ट्रीय चिन्‍हारी बर होईस गोठ-बात
रायपुर,  मुख्यमंत्री श्री भूपेश बघेल ले ऊंखर निवास कार्यालय म संयुक्त राष्ट्र म भारत के स्थाई मिशन के पहिली सचिव सुश्री बरखा ताम्रकार ह सौजन्य मुलाकात करिस। बरखा ह मुख्यमंत्री ले ब्रांड छत्तीसगढ़ ल अंतरराष्ट्रीय पहिचान देवाए के विसय म विचार-विमर्श करिस।
मुख्यमंत्री ले गोठ-बात करत सुश्री ताम्रकार ह बताइस कि छत्तीसगढ़ के लोक संस्कृति, कला, खान-पान, वन अउ जैविक उत्पाद, पर्यटन स्थल आदि बहुत खास हे। छत्तीसगढ़ के इही खूबी मन ल अंतर्राष्ट्रीय स्तर म प्रोमोट करे म राज्य एक ब्रांड के रूप म उभरही। सुश्री ताम्रकार ह छत्तीसगढ़ सरकार कोति ले कोदो-कुटकी, रागी आदि मिलेट्स ल बढ़ावा देहे खातिर करे जात उदीम मन के घलोक सराहना करिस। बरखा ह बताइस कि संयुक्त राष्ट्र ह 2023 ल अंतर्राष्ट्रीय मिलेट्स साल घलोक घोषित करे हे। छत्तीसगढ़ म मिलेट्स बर उल्लेखनीय काम करे जात हे।
मुख्यमंत्री श्री बघेल ल सुश्री ताम्रकार ह इहू बताइस कि छत्तीसगढ़ के जनजातीय संस्कृति अनूठा हे। अंतरराष्ट्रीय दूतावास मन के बड़काअधिकारी मन के विशेष टूर आयोजित करके छत्तीसगढ़ के समृद्ध संस्कृति ले उमन ल परिचित कराया जाना चाही। अंतर्राष्ट्रीय कॉन्क्लेव कोति ले विदेशी नागरिक इहां के विशेषता मन ल जान सकही। संगेेच छत्तीसगढ़ के युवा मन ल संयुक्त राष्ट्र ले जुड़े कई ठन संस्था मन म इंटर्नशिप प्रोग्राम बर भेजे जाना चाही, एखर से ओ मन ल अंतरराष्ट्रीय एक्स्पोज़र मिलही। छत्तीसगढ़ बोर्ड के पाठ्यक्रम म एक विदेशी भाखा घलोक सिखाए जा सकत हे।