रायपुर, 14 फरवरी 2020। मुख्यमंत्री श्री भूपेश बघेल के अमेरिका प्रवास के पहला पड़ाव आज पूरा हो गीस। पहिली पड़ाव म अमेरिकी निवेशक मन ले छत्तीसगढ़ म उद्योग लगाय बर बहुत अकन आशा जनक प्रस्ताव मिले हे। यात्रा के अगले पड़ाव बर मुख्यमंत्री अऊ छत्तीसगढ़ के टीम बोस्टन बर रवाना हो गीन। जिहां श्री बघेल इंस्टीट्यूट फार कॉम्पीटिटीवनेस म उहां के औद्योगिक प्रतिनिधि मन ले छत्तीसगढ़ म निवेश करे बर ओ मन ल आमंत्रित करहीं।
यात्रा के पहिली पड़ाव म मुख्यमंत्री श्री बघेल ह सेनफ्रांसिस्को के सिलिकॉन वेली अऊ रेड वुड शोर्स म ऑटो ग्रिड सिसटम के औद्योगिक प्रतिनिधि अऊ निवेशक मन ले सीधा चर्चा करे रहिन। उहां उमन जानकारी दीन कि छत्तीसगढ़ ’ईज ऑफ डूइंग बिजनेस’ बर भारत म शीर्ष राज्य मन म सामिल हे। उमन उहां निवेशक मन ल बताइन कि छत्तीसगढ़ निवेश करे बर सबले बढि़या जगा हे काबर के ये केंद्र म स्थित हे अऊ इहां बेहतर कनेक्टिविटी हे। राज्य के नवा औद्योगिक नीति निवेशक मन बर काफी अनुकूल हे। चर्चा के समय बहुत अकन भारतीय-अमेरिकी उद्योग ह छत्तीसगढ़ म निवेश बर अपन मन बनाए हें। उहाँ करीबन 250 निवेशक ये चर्चा म सामिल होइन।
यात्रा के ये पड़ाव म मुख्यमंत्री श्री भूपेश बघेल ह अमेरिका के सेन फ्रांसिस्को के इंडिया कम्युनिटी सेंटर, सेनजोस म ज्प्म् सिलिकॉन वेली कोति ले आयोजित सम्मेलन म भारतीय समुदाय के मनखे मन ल सम्बोधित करिन अऊ छत्तीसगढ़ म निवेश ले संबंधित कई ठन पहलु मन उपर पूछे गए सवालों के जवाब दीन। उमन छत्तीसगढ़ एसोसिएशन ऑफ नॉर्थ अमेरिका के सदस्य मन ले घलोक मुलाकात करिन। श्री बघेल ह छत्तीसगढ़ के अधिकारी मन के संग दुनिया के सबले बड़े डेटा सेंटर कंपनी-इक्विनिक्स के भ्रमण तको करिन।