मुख्यमंत्री ह छत्तीसगढ़ के पहिली महिला सांसद मिनीमाता ल उंखर पुण्यतिथि म नमन करिन

रायपुर, मुख्यमंत्री श्री भूपेश बघेल ह आज अपन निवास कार्यालय म छत्तीसगढ़ के पहिली महिला सांसद मिनीमाता के पुण्यतिथि म ऊंखर तैलचित्र म पुष्प अर्पित करके नमन करिन। मुख्यमंत्री ह कहिन कि मिनीमाता के सेवाभावी अऊ प्रेरणादायी व्यक्तित्व सदैव याद करे जाही। सरल अऊ सहज व्यक्तित्व के धनी मिनीमाता ह अपन पूरा जीवन मानव सेवा बर समर्पित कर दीन। मिनीमाता ह महिला अस्मिता ल एक नवा ऊंचाई दीन। उमन दलित मन के नागरिक अधिकार के रक्षा बर अस्पृश्यता निवारण अधिनियम ल संसद म पारित कराए म महती भूमिका निभाईन। बाल विवाह अऊ दहेज प्रथा के विरोध म उमन समाज ले लेके संसद तक अपन अवाज उठाईन। भिलाई इस्पात संयंत्र म स्थानीय निवासी मन ल रोजगार अऊ औद्योगिक प्रशिक्षण के अवसर उनलब्‍ध कराए के दिशा म घलोक उमन उल्लेखनीय काम करिन। ये मौका म श्रम अऊ नगरीय प्रशासन मंत्री श्री शिवकुमार डहरिया ह घलोक पुष्पांजलि अर्पित करिन।