- 21 नवम्बर के विश्व मात्स्यिकी दिवस म नई दिल्ली म होही सम्मानित
- मुख्यमंत्री अऊ कृषि मंत्री ह छत्तीसगढ़ ल गौरवान्वित करइया मत्स्य कृषक अऊ संस्था मन ल दीन बधाई अऊ शुभकामना
रायपुर, 20 नवम्बर 2020। छत्तीसगढ़ राज्य के दू मत्स्य कृषक मन ल मछली पालन के क्षेत्र म ऊंखर उल्लेखनीय काम मन बर राष्ट्रीय स्तर म पुरस्कृत अऊ सम्मानित करे जाही। 21 नवंबर के विश्व मात्स्यिकी दिवस के अवसर म भारत शासन ह ए.पी. सिम्पोजियम हॉल, पूसा कैंपस नइ दिल्ली म आयोजित समारोह म ये पुरस्कार प्रदान करही। ये मां छत्तीसगढ़ राज्य के मेसर्स एम.एम.फिश सीड़ कल्टीवेशन प्राइवेट लिमिटेड, माना, जिला रायपुर ल बेस्ट फिशरीज इन्टरप्राइजे़स के तहत् दू लाख रूपिया के नगद पुरस्कार अऊ प्रशस्ति पत्र अऊ मेसर्स एम.आई.के कम्पनी, सिहावा, जिला धमतरी ल बेस्ट प्रोप्राईटरी फर्म संवर्ग के तहत् एक लाख रूपिया के नगद पुरस्कार अऊ प्रशस्ति पत्र देहे जाही। मुख्यमंत्री श्री भूपेश बघेल अऊ कृषि अऊ जल संसाधन मंत्री श्री रविन्द्र चौबे ह मत्स्य पालन के क्षेत्र म छत्तीसगढ़ ल गौरवान्वित करइया मत्स्य कृषक अऊ संस्था मन ल बधाई अऊ शुभकामना देहे हे।
