मछली पालन आय के उत्तम साधन समूह के महिला मन 2 लाख 50 हजार रूपिया के करत हें आमदनी

जशपुर, मुख्यमंत्री श्री विष्णुदेव साय कोति ले मछली पालन मने जलीय कृषि करइया किसान मन ल बढ़ावा देहे खातिर राज्य म मत्स्य पालन ल बढ़ावा देहे जात हे। संगे महिला मन ल आर्थिक रूप ले समृद्ध अऊ आत्मनिर्भर बनाए बर खेती किसानी के संगे-संग आन रोजगार ले जोड़े जात हे।
छत्तीसगढ़ शासन कोति ले कई प्रकार के योजना मन के संचालन घलोक करे जात हे। मत्स्य विभाग कोति ले शासकीय तालाब ल पट्टा म देके मछली पालन काम बर महिला मन ल प्रोत्साहित करे जात हे। विभाग कोति ले 50 प्रतिशत अनुदान म मत्स्य बीच के संग विभागीय योजना अंतर्गत निःशुल्क जाल अऊ आईस बॉक्स घलोक देहे जात हे। इही कड़ी म जशपुर जिला के मनोरा विकासखण्ड म श्री गणेश महिला स्व सहायता समूह के संग मनोरा के बथानडीपा शासकीय तालाब ल पट्टा म लेके मछली पालन के काम करे जात हे।
समूह के अध्यक्ष गुड़िया साहू ह बताइस के गणेश महिला स्व सहायता समूह के 11 महिला मन ह मनोरा म शासकीय तालाब ल पट्टा म लेके मछली पालन के काम करत हें। तालाब 0.801 हेक्टर के हे। तालाब म मछली पालन खातिर विभागीय योजना के तहत 50 प्रतिशत अनुदान म मत्स्य बीज उपलब्ध कराए गए हे। संगे योजना अंतर्गत निःशुल्क जाल अऊ आईस बॉक्स घलोक देहे गए हे। मछली पालन ले समूह के महिला मन ह 2 लाख 50 हजार रुपिया के आय अर्जित करे हें। मछली पालन के व्यवसाय ले जुड़े के बाद उंखर आर्थिक अऊ सामाजिक स्थिति मजबूत होए हे।