मछली पालन म लागत कम अऊ मुनाफा जादा

मछली पालन ले स्व-सहायता समूह के बदलत हे जिंदगी
दन्तेवाड़ा, छत्तीसगढ़ राज्य म किसान मन के आय बढ़ाय बर राज्य सरकार कोति ले पशुपालन के संगें-संग मछली पालन ल बढ़ावा देहे के कई योजना मन के क्रियान्वयन करे जात हे। दन्तेवाड़ा जिला म मछली पालन ले किसान मन बर आर्थिक लाभ के सबब साबित होवत हे। मछली पालन के प्रति किसान मन के मोह घलोक तेजी ले बाढ़े हे। जिला म मछली पालन काफी लाभदायक सिद्ध होवत हे।
जल ले आजीविका बर रोजगार के अवसर उपलब्‍ध कराए बर जिला के चुने गए ग्राम पंचायत कोरलापाल के ग्राम नागफनी म 1.0 हेक्टेयर के पंचायती तालाब म नाग देवता स्व-सहायता समूह ह मछली पालन के काम करत हे। समूह के सदस्य पहिली मजदूरी करके जीवन यापन करत रहिन। कलेक्टर साहब के सिखौना म विभाग कोति ले जिला खनिज न्यास निधि ले मछली बीज अउ परिपूरक आहार प्रदाय करके तकनीकी मार्गदर्शन ले समूह ह 500 किलोग्राम मत्स्य उत्पादन करके बेंच तको डरिन अऊ करीबन 1 लाख रूपिया के आमदनी उमन ल अब तक होए हे।