मुख्यमंत्री ह महिला मन के बनाए मछली आहार निर्माण काम के करिन अवलोकन

कांकेर, मुख्यमंत्री श्री भूपेश बघेल ह गांधी ग्राम कुलगाँव म पूजा स्व सहायता समूह के महिला मन कोति ले तियार करे जात मछली आहार निर्माण काम के अवलोकन करिन। मुख्यमंत्री ह समूह के महिला मन ले बातचीत करिन अऊ आहार निर्माण के विधि, उपलब्‍ध बाजार अऊ प्राप्त आय के जानकारी लीन। समूह के महिला मन ह बताइन कि अब तक 18 क्विंटल आहार के निर्माण करके विक्रय करे जा चुके हे। आहार ल स्थानीय कृषक अउ व्यवसायी मन क्रय करत हें। 1 दिन म 5-8 क्विंटल तक के क्विंटल आहार के निर्माण स्थापित संयंत्र ले करे जात हे।
मुख्यमंत्री श्री भूपेश बघेल ह समूह के महिला मन ले आहार निर्माण के विधि के जानकारी लीन, महिला मन ह बताइन कि आहार निर्माण बर मक्का, कोरहा, सरसो खल्ली, सोयाबीन खल्ली, मछली के नचुरा अउ मछली के तेल मिलाके मछली के आहार बनाए जात हे। मुख्यमंत्री ह समूह के महिला मन के सराहना करिन अऊ खूब तरक्की करे के बधाई दीन।
मुख्यमंत्री श्री भूपेश बघेल ह महिला स्व सहायता समूह कोति ले बनाए गए 10 क्विंटल मछली आहार (फ्लोटिंग) वाहन ल हरी झंडी देखा के रवाना करिन।