21 लाख के नकली नोट के संग 5 आरोपी गिरफ्तार, रायपुर के बड़का व्यापारी ह दे रिहिस छापे के ठेका

महासमुंद, 28 जुलाई 2020। कोरोना काल के संकट के बीच नकली नोट खपाय ल निकले पांच आरोपी मन ल पुलिस ह गिरफ्तार कर ले हे। आरोपी मन के तिर ले 21 लाख रूपिया के नकली नोट ल जब्त करे गे हे। एखर खुलासा महासमुंद एसपी प्रफुल्ल ठाकुर ह करे हे। पुलिस ले मिले जानकारी के अनुसार रायपुर के एक बड़का व्यापारी ह आरोपी मन ले संपर्क कर 15 लाख के मांग करे रिहिस, जोन ल आरोपी मन ह डिलीवर करे बर रवाना होय रिहिस। एखर पहली ही मुखबिर के सूचना म पुलिस ह आरोपी मन ल आरंग नदी मोड़ के तिर गिरफ्तार कर लिस। आरोपी ले 13 लाख रूपिया जब्त करे गिस। मुख्य आरोपी के निशानदेही म ओखर आन आरोपी मन ल पकड़े गिस। जेखर ले कुल 21 लाख 27 हजार रूपिया जब्त करे गिस।