- दुर्ग संभाग म पांच लाख 73 हजार श्रमिक मन ल मिलीस काम
- जलसंरक्षण, जमीन सुधार अउ गौठान संबंधी काम सबले जादा
दुर्ग 02 मई 2020। देश म कोविड संकट ल देखत ग्रामीण अर्थव्यवस्था ल मजबूत बनाये रखना सबसे बड़े चुनौती हे। एखर बर ग्रामीण क्षेत्र मन म मनरेगा के सबले बड़े भूमिका होथे। मुख्यमंत्री श्री भूपेश बघेल ह बीते महीना के पहिली हफ्ता म मनरेगा के काम युद्धस्तर म कराए के हुकुम देहे रहिन। एखर संगेच उमन फिजिकल डिस्टेंसिंग अऊ सैनिटाइजेशन के संग काम कराए के हुकुम घलोक देहे रहिन। मुख्यमंत्री के हुकुम के बाद एक महीना म अब मनरेगा काम मन ल लेके बहुत सुग्घर स्थिति हे। दुर्ग जिला म करीबन एक हजार काम सुरू हो गे हे अऊ इहां म 63 हजार ले जादा श्रमिक मनरेगा बर काम करत हें। जऊन काम सुरू होए हे ओमां सबले जादा काम जलसंरक्षण ले संबंधित हे। ये अइसन काम हे जऊन नरवा योजना बर काफी उपयोगी हो सकत हे।