मुख्यमंत्री बिलासपुर ले भोपाल बर विमान सेवा के करिन शुभारंभ

कांकेर, मुख्यमंत्री श्री भूपेश बघेल ह आज कांकेर ले वीडियो कॉन्फ्रेसिंग के संग बिलासपुर ले भोपाल बर विमान सेवा के शुभारंभ करिन। श्री बघेल ह चकरभाठा स्थित बिलासा देवी केंवट एयरपोर्ट म आयोजित ये कार्यक्रम म वर्चुअल रूप ले संघर के विमान सेवा ल हरियर झण्डी देखाईन। बिलासपुर-भोपाल फ्लाइट ले आज 50 यात्री रवाना होइन
कार्यक्रम के अध्यक्षता राजस्व अउ आपदा प्रबंधन मंत्री अउ बिलासपुर जिला के प्रभारी मंत्री श्री जयसिंह अग्रवाल ह करिन। मुख्यमंत्री ह बिलासपुर-भोपाल-बिलासपुर विमान सेवा के शुरू होए म बिलासपुर संग प्रदेशवासी मन ल बधाई अऊ शुभकामना दीन। मुख्यमंत्री ह कहिन कि ये नवा सेवा के लाभ पूरा छत्तीसगढ़ ल मिलही। खासकर उत्तर छत्तीसगढ़ म हवाई सेवा मजबूत होही। बिलासपुर एयरपोर्ट ले शुरू होवइया ये दुसर फ्लाइट ये, एखर पहिली 01 मार्च 2021 ले दिल्ली-जबलपुर-बिलासपुर-प्रयागराज सेक्टर म नियमित घरेलू विमान सेवा के शुरूआत करे गए हे।
मुख्यमंत्री ह कार्यक्रम म कहिन के साढ़े तीन साल पहिली तक हवाई सेवा के नाम म सिरिफ रायपुर ल ही जाने जात रहिस फेर आज बिलासपुर अऊ जगदलपुर ले घलोक नियमित हवाई सेवा के संचालन होवत हे।