बाढ़ ले बचाव बर होम गार्ड ह करिस मॉक ड्रिल

बलौदाबाजार, 10 जुलाई 2021। राज्य आपदा मोचन बल (एसडीआरएफ) रायपुर अऊ बाढ़ आपदा बचाव दल बलौदाबाजार कोति ले जिला प्रशासन के सहयोग ले आज पलारी के बालसमुंद तालाब म बाढ़ बचाव के दूसर मॉकड्रिल के आयोजन करे गीस। ये दौरान बाढ़ बचाव दल के जवान मन ह मोटर बोट चालन, आपदा के समय पीड़ित मन ल पानी के भीतर खोजे अऊ ओ मन ल सुरक्षापूर्वक लाइफ बोर्ड तक लाए, सही तरीका ले लाइफ जैकेट, लाइफ बॉय के परयोग करे, डूबत मनखे ल बचाव दल कोति ले मोटर बोट, पीपा, ट्यूब, पानी बोतल ले बने improvise उपकरण मन ले बचाव के घलोक प्रदर्शन करे गीस। एखर ले अकतहा अंडरवाटर कैमरा अऊ स्कूबा डाइवर कोति ले पानी के भीतर मनखे के पता लगाना, सबो जवान मन ल चप्पू, मोटरबोट चलाए, तैराकी के घलोक अभ्यास कराए गीस। एखरे संगच बचाव दल ह बचाव के समय उपयोग होवइया कई प्रकार के उपकरण जइसे मोटरबोट, कई प्रकार के कटर, लाइट, सर्च लाइट, अंडरवाटर कैमरा, स्कूबा डीप डाइविंग सूट, लाइफ बॉय, लाइफ जैकेट के प्रदर्शन करे गीस। डेमो के पहिली संभागीय सेनानी रायपुर अऊ एसडीआरएफ प्रभारी श्रीमती अनिमा कुजूर अऊ जिला सेनानी श्री नागेन्द्र सिंह ह जवान मन ल ब्रीफ करिन अऊ बाढ़ आपदा के संबंध म महत्वपूर्ण टिप्स घलोक देहे गीस। संभागीय सेनानी श्रीमती अनिमा कुजूर ह मॉकड्रिल के बाद महानदी कछार म बसे बाढ़ प्रभावित संभावित गांव मन के दौरा घलोक करे गीस अऊ जिला सेनानी ल जरूरी दिशा निर्देश देहे गीस। जिला सेनानी श्री नागेन्द्र सिंह ह बताइस कि 21 सदस्यीय बाढ़ बचाव दल चौबीसों घण्टे तियार रहिथे। कण्ट्रोल रूम ले सूचना मिलतेच तुरंते मौके बर रवाना हो जाथे। पाछू तीन-चार बछर म महानदी, शिवनाथ, खोरसीनाला, जमुनिया नाला आदि नदी-नाला मन म बाढ़ म फंसे करीबन 700 मनखे मन ल एसडीआरएफ ह सुरक्षित रेस्क्यू करे हे।