दूर प्रदेश के लोक कलाकार आदिवासी नृत्य महोत्सव म सामिल होए छत्तीसगढ़ बर होइन रवाना

लद्दाख के दल विवाह नृत्य अऊ निकोबारी दल पूर्वज मन के सम्मान वाला नृत्य करहीं प्रस्तुत

रायपुर, रायपुर के साइंस कॉलेज मैदान म अवइया सुकरवार 27 दिसंबर ले आयोजित तीन दिवसीय राष्ट्रीय आदिवासी नृत्य महोत्सव म सामिल होवइया दल मन के अपन-अपन जगा ले प्रतियोगिता म सामिल होए बर रायपुर रवाना होए के जानकारी मिले लगे हे। अरुणाचल प्रदेश जइसे दूरदराज के कलाकार इतवार के रायपुर बर रवाना हो गीन अऊ उत्तराखंड के कलाकार आज रवाना होइन हे। खबर हे के भाग लेवईया मन म जबरदस्त उत्साह हे। देश के 25 राज्य मन के आदिवासी नृत्यदल ये समारोह म हिस्सा लेवत हें। एमा ले कुछ जगा के आदिवासी दल पहली पइत छत्तीसगढ़ आवत हें। अंडमान के निकोबारी अऊ लद्दाख के आदिवासी समूह ये महोत्सव म हिस्सा लेवत हें। एमां लद्दाख के नृत्यदल एक विवाह नृत्य प्रस्तुत करहीं उन्‍हें निकोबारी के कलाकार अपन पूर्वज के सम्मान वाला नृत्य प्रस्तुत करहीं।