कोनो मनखे भूखे झन सुतय, सरकार खाए हे किरिया – श्री दयालदास बघेल

खाद्य अउ नागरिक आपूर्ति मंत्री ह चांउर तिहार के करिन शुभारंभ
बेमेतरा, खाद्य, नागरिक आपूर्ति अउ उपभोक्ता संरक्षण मंत्री श्री दयालदास बघेल ह बेमेतरा के ग्राम भंसुली म चांउर तिहार के शुभारंभ करिन। उमन ए मौका म मनखे मन ल संबोधित करत कहिन के छत्तीसगढ़ सरकार के संकल्प हे के कोनो नागरिक भूखे झन सुतय। चावल बांटे के ये कार्यक्रम ए संकल्प के दिशा म सशक्त कदम हे। उमन बताइन के राज्य शासन कोति ले सार्वजनिक वितरण प्रणाली के तहत जून, जुलाई अऊ अगस्त महिना के चावल एक संग आबंटित करे जात हे। नागरिक अपन सुविधा के मुताबिक एक महिना या तीन महिना के चावल एक संग ले सकत हें। तीन महिना के चावल एकमुश्त उठाए के बाध्यता नइ हे। आन राशन जइसे शक्कर, नमक, चना अउ गुड़ के वितरण नागरिक आपूर्ति निगम के उपलब्‍ध स्टॉक के आधार म हर एक महिना अलग-अलग करे जाही।
खाद्य मंत्री श्री बघेल ह बताइस के चावल उत्सव के दिन ही तीन महिना के चावल के वितरण सुनिश्चित करे गए हे। ए काम बर परिवहन अऊ सुरक्षित भंडारण के व्यापक व्यवस्था करे गए हे। हरेक उचित मूल्य के दुकान बर नोडल अधिकारी नियुक्त करके समय-सीमा के भीतर राशन के भंडारण अऊ वितरण के बाद सत्यापन के कार्रवाई ठउका करे जात हे। जनपद पंचायत के अध्यक्ष श्रीमती हेमा दिवाकर संग स्थानीय जनप्रतिनिधि, खाद्य विभाग के अधिकारी अऊ ग्रामीण बड़ी संख्या म चावल उत्सव म मौजूद रहिन।