तिहार के मौसम म खई-खजेना दुकान मन के चलत हे जांच अभियान

स्वास्थ्य मंत्री श्री श्याम बिहारी जायसवाल ह खाद्य एवं औषधि प्रशासन ल मिठई अऊ दूसर खाद्य पदार्थ मन के गुणवत्ता ठउका करे के हुकुम दीन
बलौदा बाजार, अपइया समे म रक्षाबंधन संग कई ठन तिहार अवइया हे। तिहार के मौसम म मिठई अउ आन खाए के जिनिस मन के गुणवत्ता ठउका करे बर स्वास्थ्य मंत्री श्री श्याम बिहारी जायसवाल ह स्वास्थ्य विभाग कोति ले खाद्य एवं औषधि प्रशासन ल हुकुम देहे हे। एखर मुताबिक विभाग कोति ले पूरा प्रदेश म सरलग जांच अभियान चलाए जात हे अउ सरलग कार्रवाई घलोक करे जात हे।
खाद्य एवं औषधि विभाग के टीम ह जिला के अलग-अलग जगा म होटल मन के जांच करिस। सिमगा के बालाजी जोधपुर स्वीट्स ले खोवा कटलिया अऊ श्री कृष्णा डेयरी ले पनीर के नमूना लेहे गीस। जांच के समे भाटापारा के परिवहन कार्यालय अउ गैरेज के भी जांच करे गीस अऊ रिकॉर्ड खंगाले गीस के कोनो अमानक या नियम विरूद्ध खाद्य पदार्थ के परिवहन त नइ होवत हे।