खाद्य मंत्री श्री बघेल: यादव समाज के सामाजिक सम्मेलन म संघरिन

रायपुर 26 फ़रवरी 2024। खाद्य नागरिक आपूर्ति अउ उपभोक्ता संरक्षण मंत्री श्री दयाल दास बघेल ह बेमेतरा ज़िला के विकासखंड नवागढ़ म जिला स्तरीय ठेठवार यादव समाज के सम्मेलन म सामिल होइन। भगवान श्रीकृष्ण के पूजा-अर्चना करके प्रदेशवासी मन के सुख-समृद्धि अऊ खुशहाली के उमन कामना करिन।
खाद्य मंत्री श्री दयाल दास बघेल ह कार्यक्रम संबोधित करत कहिन कि ठेठवार यादव समाज के गौरवशाली इतिहास रहे हे। यादव समाज मेहनतकश समाज हे। ए मौका म खाद्य मंत्री ह समाज के सामुदायिक भवन बर 10 लाख के घोषणा करिन। उमन जनकल्याणकारी योजना मन के लाभ लेहे बर मनखे मन ल कहिन। ए अवसर म यादव समाज के ज़िला अध्यक्ष डॉ. बी.पी. यदु संग यादव समाज के अड़बड़ झन मनखे उपस्थित रहिन।