कवर्धा, 20 दिसम्बर 2020। जिला खाद्य विभाग ह कार्यवाही करके धान के अवैध परिवहन करत 240 क्विंटल धान जब्त करे हे। बतादन कि जिला खाद्य विभाग कबीरधाम के टीम ह राज्य सरकार के आदेशानुसार अवैध धान परिवहन म सतत निगाह रखे हे। खाद्य विभाग ह शनिवार के टीम बना के अवैध धान परिवहन के रोकथाम बर थाना के आगु नाकाबंदी लगा के चेकिंग करे जावत रिहिस। चेकिंग के दौरान एक ट्रक राजिम के डाहर जावत रिहिस, चेक करे म ट्रक म 601 बोरी अवैध धान भरे पाय गिस। धान परिवहन के संबंध म चालक के पास कोई वैध दस्तावेज अथवा अनुमति नई पाय गिस। चालक ले पूछताछ करे म बताइस कि ट्रक म 601 बोरी म 240 किविंटल धान लोड हे। मउका म खाद्य विभाग के टीम ह कार्यवाही कर के धान अऊ ट्रक ल जब्त कर लेहे हे। धान के कीमत करीब 2,88,000 रुपिया हे।
गुरतुर गोठ बर- भीषम वर्मा
