खाद्य मंत्री श्री बघेल ह मरीज मन बर बनेच सुविधा देहे के दीन हुकुम

बेमेतरा, 08 मार्च 2024। खाद्य मंत्री श्री दयाल दास बघेल ह बेमेतरा जिला के सामुदायिक स्वास्थ्य केंद्र नवागढ़ के उदुपहा जांच करिन अऊ स्वास्थ्य व्यवस्था के जानकारी लीन। उमन डॉक्टर मन ल समय म अस्पताल म उपस्थित रहि के मरीज मन के बेहतर ईलाज करे के निर्देश दीन। उमन कहिन कि रात म घलोक गंभीर मरीज आथें त तुरंते उंखर ईलाज करव। मरीज मन के ईलाज म कोनो प्रकार के समस्या नइ आना चाही। ऊंखर बर भरपूर मात्रा म दवई रहना चाही ये ठउका करव।
खाद्य मंत्री ह जांच के समय इलाज कराए आए मरीज़ मन ले बातचीत करके स्वास्थ्य सुविधा मन के जानकारी लीन। एखरे संग मरीज मन बर ज़रूरी सुविधा अउ संसाधन मन के जानकारी लीन। सामुदायिक स्वास्थय केन्द्र के साफ़-सफ़ाई उपर विशेष ध्यान रखे बर उमन कहिन।
खाद्य मंत्री ह मरीज मन के वार्ड, दवई वितरण कक्ष, इंजेक्शन कक्ष आदि के निरीक्षण करिन। मरीज मन जे जे जेवन अउ नाश्ता आदि देहे जात हे तेकर गुणवत्ता के संबंध म घलव उमन जानकारी लीन अऊ मरीज मन ल पौष्टिक भोजन देहे के हुकुम दीन।