खाद्य सुरक्षा विभाग के टीम करिस उदुपहा जांच

रायगढ़, अवइया तिहार मन ल देखत खाद्य पदार्थ मन के गुणवत्ता ठउका करे अऊ आमजन ल शुद्ध अऊ सुरक्षित खाद्य सामग्री उपलब्ध करे के उद्देश्य ले स्वास्थ्य अऊ परिवार कल्याण विभाग अऊ खाद्य एवं औषधि प्रशासन के हुकुम के मुताबिक रायगढ़ जिला म खाद्य प्रतिष्ठान मन के सरलग जांच करे जात हे। जांच के दौरान मुरारी द किचन (धिमरापुर चौक), कारखाना मुरारी, महावीर मिष्ठान भंडार (हटरी चौक), गंगौर स्वीट्स (पैलेस रोड), विकास डेयरी (चक्रधर नगर) अउ फ्रेश सेल (बड़े रामपुर स्थित पनीर निर्माण इकाई) म पहुंचके दूध अउ वोकर से बने उत्पाद के गुणवत्ता के जांच करे गीस। खोवा अउ पनीर के नमूना लेके प्रयोगशाला परीक्षण बर भेजे गीस। जांच के दौरान स्वच्छता, भंडारण व्यवस्था अउ अन्य मानदंड के संबंध म सुधार बर कईठन प्रतिष्ठान मन ल नोटिस घलो जारी करे गए हे।
खाद्य सुरक्षा विभाग ह कहिस के खाद्य पदार्थ म मिलावट के रोकथाम अउ जन स्वास्थ्य के दृष्टि ले ए प्रकार के कार्रवाई सरलग जारी रइही। संदिग्ध नमूना मन के जांच रिपोर्ट के आधार म संबंधित के खिलाफ नियमानुसार कानूनी कार्रवाई करे जाही। जांच दल म खाद्य सुरक्षा अधिकारी श्रीमती सरिता पटेल, श्री सागर दत्ता, श्री शांतनु भट्टाचार्य अउ सहायक नमूना श्री शाश्वत तिवारी शामिल रहिन।