रायपुर, 25 अगस्त 2020। छत्तीसगढ़ी फ़िल्म इंडस्ट्री म जुड़िस एक नवा अध्याय जाने माने फ़िल्म निर्माता रॉकी दासवानी जेन ह एखर ले पहली भी बड़े-बड़े सुपरहिट स्टार्स मन ल लेके सुपरडुपर हिट फ़िल्म दे चुके हें। उहें छालीवुड के जम्मो सुपरहिट स्टार्स मन ल एक मंच म लाके छतीसगढ़िया अउ छत्तीसगढ़ी के हित बर एक बहुत ही बढ़िया गाना के शूटिंग ल नवा रायपुर म स्थित मुक्तांगन म सम्पन्न करके छालीवुड म एक नवा इतिहास अपन नाव करा डालिस। काबर कि छत्तीसगढ़ी फ़िल्म इंडस्ट्री म अइसन पहली बार होइस हे कि अतका सारा सुपरहिट कलाकार मन एक संग कोनो जगह म कोनो भी शूटिंग बर इकट्ठा होइस हें।
जेन कलाकार ल ये गाना के शूटिंग बर चुने गए हे ओमा अनुज शर्मा, मन कुरैशी, प्रकाश अवस्थी, अशरफ अली, दिलेश साहू, आकाश सोनी, सुनील तिवारी, मोना सेन, अनिकृति चौहान, सोनाली सहारे, मनीषा वर्मा, रेनू साहू, अनुपमा मनहर अउ गरिमा दिवाकर शामिल हे।