वन अधिकार पत्र मिले ले किसान मन ल होइस फायदा, समर्थन मूल्य म बेचत हें फसल

रायगढ़, शासन कोति ले वन अधिकार पत्र वितरण के बाद अब हितग्राही घलोक समर्थन मूल्य म धान बेचत हें। खेती के जमीन होए के बाद वोमे धान उपजा के घलव पहिली किसान मन ह अपन धान ल समर्थन मूल्य म नइ बेच पात रहिन। वन अधिकार पत्र मिले ले उंखर ये समस्या दूर हो गए अऊ ओ मन उपार्जन केन्द्र म अपन फसल समर्थन मूल्य म अब बेच पावत हें। एखर संगेच अब ओ मन ल कृषि आदान सहायता राशि योजना के लाभ घलोक मिल सकही।
धरमजयगढ़ विकासखंड के जमरगीडी नवीन उपार्जन केन्द्र म 842 किसान मन ह पंजीयन करवाए हें। किसान मन ल वनअधिकार पत्र मिले ले जमरगीडी उपार्जन केन्द्र म ग्राम अमलीटिकरा, रामपुर, मिरीगुढ़ा, बलपेदा, सिरकी, नेवार, जबगा आदि गांव मन के 35 वन अधिकार पत्र हितग्राही मन ह पंजीकरण करवाए हें। अभी हाल म उपार्जन केन्द्र म वन अधिकार पत्रधारी 5 किसान मन करीबन 200 कुंवटल धान के बेंचे हें। जे मन पहिली खुले बजार म व्‍यापारी मन मेर बेचत रहिन। आगू वन अधिकार पत्र धारी आन किसान मन घलोक धान विक्रय करे जाही। जेमां वन अधिकार पत्र के लाभ ओ मन ल समर्थन मूल्य के रूप म प्राप्त होही। ग्राम रामपुर निवासी दिलबोध के कहना हे कि 1.311 हेक्टयर के वनअधिकार पत्र प्राप्त होय हे। जेमां धान के फसल ल धान उपार्जन केन्द्र म समर्थन मूल्य म बेचे हे। जेखर से वोला कृषि आदान सहायता राशि के लाभ मिलही। एखर संगेच नवीन उपार्जन केन्द्र बनाए ले उपार्जन केन्द्र के दूरी कम हो गए हे, जेखर से ओ मन ल धान विक्रय करे म काफी सुविधा होए हे।