बेमेतरा, 06 सितमबर 2024। छत्तीसगढ़ वन विभाग ह साजा वन परिक्षेत्र के ग्राम बेलगांव म आठ हनुमान बेंदरा के अवैध शिकार के मामला म मुख्य आरोपी रामाधार ल गिरफ्तार कर लेहे हे। ये कार्रवाई प्रधान मुख्य वन संरक्षक अउ प्रमुख वन बल प्रमुख श्री वी. श्रीनिवास राव अउ प्रधान मुख्य वन संरक्षक (वन्यजीव) श्री सुधीर अग्रवाल के निर्देश म करे गीस। प्रधान मुख्य वन संरक्षक श्री राव ह अइसन मामला म सरलग कार्यवाही के निर्देश देहे हे। दुर्ग सर्किल के मुख्य वन संरक्षक (सीसीएफ) डॉ. केनिली माचिओ अउ वनमंडलाधिकारी (डीएफओ) श्री चंद्रशेखर परदेशी के अगुवई म राज्य उड़नदस्ता ह ये कार्रवाई 5 सितंबर 2024 के करिस।
वन विभाग के अधिकारी मन ह बताइन के आरोपी तीर ले बंदूक बरामद हो गए हे, जेखर उपयोग 28 अगस्त 2024 के ए अवैध शिकार म करे गए रहिस। ये गिरफ्तारी धमधा के परिक्षेत्र अधिकारी श्रीमती लक्ष्मी आदित्य अऊ साजा के परिक्षेत्र अधिकारी श्री पी.आर. लसेल क करिस, जेमां बेमेतरा के उप वनमंडलाधिकारी (एसडीओ) श्री वी.एन. दुबे अऊ आन वन विभाग के अधिकारी मन के महत्वपूर्ण सहयोग रहिस।
