वन विभाग ह रेस्क्यू करके बचाईस दुर्लभ प्रजाति के उल्लू के जान, अब भोरमदेव अभ्यारण्य म छोड़े के तैयारी

कवर्धा, 6 दिसम्बर 2020। वन विभाग के टीम ह पैदल गश्त के दौरान शनिवार बिहनिया दुर्लभ प्रजाति के उल्लू देखिस। चिल्फी परिक्षेत्र के लोहारा टोला परिसर के कक्ष क्रमांक पी 328 म वन विभाग के टीम ल दू बार्न उल्लू मिलिस। वन अमला ह रेस्क्यू करके उल्लू मन ल कुकुर मन ले बचाइस। वन्य प्राणी पशु चिकित्सक डॉ राकेश वर्मा अऊ डॉ सोनम मिश्रा के नेतृत्व म रेस्क्यू करे गए बार्न उल्लू मन के प्राथमिक उपचार करे गिस। बार्न उल्लू दुर्लभ प्रजाति के पक्षी हे, जेन ल वन्य प्राणी संरक्षण अधिनियम 1972 के शेड्यूल 3 म स्थान देहे हे। भोरमदेव अभ्यारण के चिल्फी परिक्षेत्र म रेस्क्यू करे गए बार्न उल्लू प्रजाति के दुनों पक्षी मन ल बचाए म प्रशिक्षु भारतीय वन सेवा के अधिकारी गणेश यूआर, परिक्षेत्र सहायक चिल्फी पूर्व देशमुख अऊ स्थानीय वनरक्षक के महत्वपूर्ण योगदान रिहिन।