वन विभाग ह करिन छापामार कार्रवाई, जब्त करिन तीन लाख रुपिया ले जादा के बीजा लकड़ी

रायपुर, 24 अक्टूबर 2020। वन विभाग ह छापामार कार्रवाई करत हुए लकड़ी तस्कर मन ल पकड़े हे। तस्कर मन ले तीन लाख ले जादा कीमत के बीजा लकड़ी के लठ्ठा जब्त करिन हे। वन अमला ह माचकोट वन ले 21 अक्टूबर के रात बड़का संख्या म ओडिसा ले आये तस्कर समूह ले बीजा लकड़ी के गोला मन ल घेराबंदी करके पकड़िस। बस्तर के वनमण्डलाधिकारी स्टायलो मण्डावी के निर्देश म विभागीय टीम ह छापामार कार्रवाई म दर्जनभर ले जादा बीजा लकड़ी के लठ्ठा जब्त करिन। एखर कीमत 3 लाख रूपिया ले जादा अनुमानित हे। रेंजर विनय चक्रवर्ती ह बतइस कि तस्करी बर तस्कर अब विशेष डिजाइन के साइकिल उपयोग करत हे। एमा लकड़ी के मोटा लठ्ठा ल आसानी ले लोड करे जा सकत हे।