वन विभाग के टीम ह मारिस छापा: साढ़े पांच लाख रूपिया ले जादा कीमत के अवैध लकड़ी अउ सामान जब्त

रायपुर, 13 सितंबर 2020। वन मंत्री मो.अकबर के निर्देशानुसार राज्य म वन विभाग के डाहर ले वन मन के सुरक्षा बर अभियान लगातार चलाये जावत हे। इही कड़ी म वनमंडल बिलासपुर के अंतर्गत विगत दिवस छापामार कार्रवाई म 5 लाख 50 हजार रुपिया ले जादा राशि के अवैध लकड़ी चिरान अउ सामग्री जब्त करे गिस। एमा 3 लाख 50 हजार रुपिया के राशि के सागौन, शीशम आदि प्रजाति के लकड़ी चिरान अउ 2 लाख रुपिया के राशि के काष्ठ चिरान इलेक्ट्रॉनिक मशीन आदि उपकरण शामिल हे। प्रधान मुख्य वनसंरक्षक राकेश चतुर्वेदी के मार्गदर्शन म वन मंडलाधिकारी बिलासपुर कुमार निशांत के डाहर ले गठित टीम ह 11 सितंबर के बेलतरा परिक्षेत्र के ग्राम नेवसा म 7 अलग-अलग घर मन म छापामार कार्रवाई करिन। ये दौरान सागौन अउ शीशम लकड़ी के अवैध चिरान जब्त करे गिन। एखर संग ही ग्राम नेवसा म चार नग रमदा अउ काष्ठ चिरान इलेक्ट्रॉनिक मशीन घलो जब्त करे गिन। इंखर अनुमानित मूल्य 5 लाख रुपिया ले जादा हे। इही तरह टीम ह ग्राम बिटकुला म छापामार कार्रवाई के दौरान लगभग 50 हजार रूपिया के राशि के सागौन के अवैध लकड़ी चिरान अउ सामग्री जब्त करिन। उक्त कार्रवाई म वन परिक्षेत्र कोटा, बेलगहना अउ रतनपुर के विभागीय अमला के योगदान रहिस।