रायपुर, 23 फरवरी 2024। मुख्यमंत्री श्री विष्णु देव साय ल आज छत्तीसगढ़ विधानसभा परिसर स्थित ऊंखर कार्यालय कक्ष म वन मंत्री श्री केदार कश्यप ह छत्तीसगढ़ राज्य वन विकास निगम के लाभांश के राशि 2 करोड़ 26 लाख रुपिया के चेक सौंपिन।
मुख्यमंत्री श्री साय ह वन विकास निगम के काम मन के सराहना करत कहिन कि वन विकास निगम राज्य म हरित क्षेत्र के प्रसार अऊ पर्यावरणीय विकास बर महत्वपूर्ण योगदान देवत हे। निगम ह कोनो वित्तीय संस्थान ले करजा घलोक नइ लेहे हे। ये लाभ कमइया सरकारी संस्था हे। वन विकास निगम के ये उपलब्धि सराहनीय हे अऊ आन संस्था मन ल एखर से प्रेरणा लेना चाही। मुख्यमंत्री ह ए उपलब्धि बर वन मंत्री, अउ वन विभाग अऊ छत्तीसगढ़ राज्य वन विकास निगम के अधिकारी मन ल अपन शुभकामना दीन।
वन मंत्री श्री केदार कश्यप ह ए मौका म मुख्यमंत्री श्री साय ल छत्तीसगढ़ राज्य वन विकास निगम के काम अऊ उपलब्धि मन के बारे म विस्तार ले जानकारी दीन। छत्तीसगढ़ वन विकास निगम के प्रबंध संचालक श्री तपेश कुमार झा ह बताइस कि वन विकास निगम ल भारत सरकार कोति ले स्वीकृत कार्ययोजना अंतर्गत रोपित सागौन वृक्षारोपण के विरलन ले प्राप्त वनोपज के विक्रय अउ आन आय ले वित्तीय साल 2022-23 म 69 करोड़ 44 लाख रुपिया के आय प्राप्त होए हे।
मुख्यमंत्री श्री विष्णु देव साय ल वन मंत्री ह वन विकास निगम के लाभांश राशि 2.26 करोड़ रूपिया के चेक सौंपिस
