कोरोना संक्रमण ल देखत जारी दिशा-निर्देश मन के कड़ाई ले पालन करे के हुकुम
रायपुर 07 अपरेल 2020। वन मंत्री श्री मोहम्मद अकबर आज इहां राजधानी स्थित अपन निवास कार्यालय म कोरोना संक्रमण ल देखत राज्य के जम्मो राष्ट्रीय उद्यान, अभ्यारण्य, चिड़िया घर अऊ वन्यप्राणी केन्द्र मन म सुरक्षात्मक उपाय अऊ उहां मानव प्रवेश म रोक के संबंध म बैठक लेके गहन समीक्षा करिन। उमन ब्रांक्स जू न्यूयार्क म रखे गए टायगर ल कोरोना संक्रमण के सेती केन्द्रीय पर्यावरण अउ वन मंत्रालय, केन्द्रीय चिड़िया घर प्राधिकरण अऊ राष्ट्रीय व्याघ्र संरक्षण प्राधिकरण कोति ले 6 अप्रेल के जारी दिशा-निर्देश के राज्य म संबंधित विभागीय अधिकारी मन ल पूरा पालन सुनिश्चित करे के निर्देश दीन। वन मंत्री श्री अकबर ह एखर तहत राज्य के जम्मो चिड़िया घर अऊ वन्य प्राणी केन्द्र मन म मानव प्रवेश अऊ इंकर आवा-जाही म रोक अऊ एमां कोरोना संक्रमण के आशंका मन ल ध्यान म रखत बहुत सुरक्षात्मक उपाय सुनिश्चित करे बर निर्देशित करिन।
ये बेरा म प्रमुख सचिव वन श्री मनोज पिंगुआ, प्रधान मुख्य वन संरक्षक श्री राकेश चतुर्वेदी, प्रधान मुख्य वन संरक्षक (वन्य प्राणी) श्री अतुल कुमार शुक्ल, अपर प्रधान मुख्य वन संरक्षक (वन्य प्राणी) श्री अरूण पाण्डेय संग संबंधित विभागीय अधिकारी उपस्थित रहिन।