नदिया-नरवा अऊ पहाड़ ल पार करके पहुंचिन लंका, पदमेटा, कारंगुल, हांदावाड़ा अऊ रासमेटा
लंका अऊ हांदावाड़ा म मलेरिया जांच के संग शिविर लगाके 1500 मनखे मन के होइस इलाज
नारायणपुर म मलेरिया मुक्त छत्तीसगढ़ अभियान के छटवां चरण के शत-प्रतिशत लक्ष्य पूरा, 1.42 लाख मनखे मन के मलेरिया जांच
रायपुर, मलेरिया मुक्त छत्तीसगढ़ अभियान के अंतर्गत स्वास्थ्य विभाग के टीम अबूझमाड़ के अबूझमाड़ के कटकटात जंगल अऊ अगम जगा मन म मलेरिया के जांच करे ल पहुंचत हें। उमन नारायणपुर जिला के घना जंगल अऊ पहाड़ के बीच बसे ओरछा विकासखंड के लंका, पदमेटा, कारंगुल, हांदावाड़ा अऊ रासमेटा गांव पहुंचके मलेरिया के जांच करिन संगेच स्केबीज अऊ मोतियाबिंद के घलोक स्क्रीनिंग करिन। नारायणपुर के कोति ले पहुंचविहीन होए के सेती टीम लंबा रद्दा तय करके बीजापुर अऊ दंतेवाड़ा जिला के रद्दा कोति ले ए गांव मन तक पहुंचीन। टीम ह लंका अऊ हांदावाड़ा म मलेरिया जांच के संग शिविर लगाके 1500 मनखे मन के इलाज घलोक करिन। नारायणपुर जिला म मलेरिया मुक्त छत्तीसगढ़ अभियान के छटवां चरण के शत-प्रतिशत लक्ष्य हासिल कर ले गए हे। ये कड़ी म उहां एक लाख 42 हजार मनखे मन के मलेरिया जांच करे गए हे।
